បណ្តាក្រុមជំនុំមេត្រីភាពរតនៈគីរី និងមេត្រីភាពកម្ពុជា បានសហការរៀបចំការបោះជំរុំយុវជនប្រចាំឆ្នាំទូរទាំងប្រទេសម្រាប់សមាជិកទាំងអស់ ក្រោមបាវចនា “ចូរសម្លឹងទៅព្រះជាទី១”។ កម្មវិធីនឹងប្រព្រឹត្តនៅខេត្តរតនៈគីរី នៅស្រុកតាវែង ដែលត្រូវធ្វើដំណើរចម្ងាយ៤០គីឡូម៉ែត្រពីក្រុងបានលង់ទៅតំបន់ដាច់ស្រយាលមួយនៅតាមដងទន្លេសេសាន។ ការចុះឈ្មោះចូលរួមគឺ២០,០០០៛ (ពីរម៉ឺនរៀល) ចំណែកឯការធ្វើដំណើរទៅទីតាំងបោះជំរុំ និងអាហារក្នុងពេលធ្វើដំណើរគឺ ត្រូវទទួលខុសត្រូវខ្លួនឯង។ អាហារនឹងផ្តល់ជូនចាប់ពីថ្ងៃទី០៩ (ថ្ងៃត្រង់) រហូតដល់ថ្ងៃទី ១១ ខែមេសា ឆ្នាំ២០២៤។
អ្នកចូលរួមគួររៀបចំសម្ភារៈស្នាក់នៅផ្ទាល់ខ្លួន ដូចជា៖ តង់ ខ្នើយ កន្ទេល អង្រឹង ភួយ ខ្នើយ ថ្នាំមុស និងមុង ព្រមទាំងអាវភ្លៀង រួមទាំងសម្ភារៈងូតទឹកផងដែរ។ កន្លែងងូតទឹកគឺស្ថិតនៅក្នុងទន្លេដែលនៅក្បែរទីតាំងបោះជំរុំ។
បញ្ជាក់ៈ ការបោះជំរុំគឺធ្វើនៅទីតាំងវាលខាងក្រៅ មិនមែននៅក្នុងអគារនោះទេ។