ក្រុមជំនុំមាននិម្តិត្តចង់ឃើញព្រះវិហារមួយសាលាមួយ ដើម្បីថ្វាយសិរីរុងរឿងដល់ព្រះម្ចាស់នៅក្នុងវិស័យអប់រំ ដូច្នេះក្រុមជំនុំបានបង្កើតសាលាអន្តរជាតិគ្រីស្ទានកម្ពុជា ដោយផ្តល់សេវាអប់រំបែបគ្រីស្ទបរិស័ទដ៏ល្អដល់កុមារកម្ពុជា និងនៅក្នុងតំបន់ រួមទាំងជួយដល់សហគមន៍ដែលភាពខ្វះខាត។ សាលាអន្តរជាតិគ្រីស្ទានកម្ពុជា ICSC ធ្វើការអប់រំ ថែទាំពួកគេអោយរស់នៅក្នុងបរិស្ថានស្អាត និងមានសុវត្ថិភាពល្អ។ មួយវិញទៀតគឺសាលាធ្វើការបណ្តុះបណ្តាលកុមារនូវចំណេះដឹងដោយប្រឹតប្រៀងខ្ពស់ និងបង្រៀនពួកគេពីការគោរពកោតខ្លាចព្រះជាម្ចាស់ពិត បន្ថែមលើនេះទៀតសាលាអន្តរជាតិគ្រីស្ទានកម្ពុជា ICSC មានបំណងផ្សាភ្ជាប់ទំនាក់ទំនងជាមួយក្រុមគ្រួសារ និងប្រជាពលរដ្ឋក្នុងសហគមន៍កាន់តែស្និតស្នាល និងធ្វើឲ្យមានការរីកចំរើន។
ទស្សនៈវិស្ស័យរបស់សាលា
ផ្តល់ភាពរីករាយ ការថែរក្សា និងការលើកទឹកចិត្តល្អដល់កុមារអាចទទួលនូវសក្តានុពលពេញលេញ ស្ពោះទៅរកការចេះដឹងជ្រៅជ្រះ ភាពពេញវ័យល្អ និង ជាមនុស្សដែលទទួលបានការអប់រំល្អក្នុងព្រះគ្រីស្ទ ហើយបញ្ចេញគំរូល្អសំរាប់ប្រទេសកម្ពុជា។